ऐश्वर्या पाटेकर हे एक बहुआयामी व्यक्तिमत्व आहे. एम कॉम आणि एमबीएचं शिक्षण पूर्ण झाल्यावर ऐश्वर्याचा प्रवास साम टीव्ही सारख्या आघाडीच्या वृत्त वाहिनीवर सह निर्माती आणि मराठी न्यूज अँकर म्हणून सुरु झाला. या वाहिनीवर तिनं केलेले अनेक कार्यक्रम लोकप्रिय झाले आणि त्यांनी टॉप रेटिंग मिळवलं. उत्तम संभाषण कौशल्य,  इंग्रजी,  मराठी आणि हिंदी भाषांवर प्रभुत्व, तंत्रज्ञान,  सादरीकरणाची उत्तम जाण आणि आकर्षक प्रसन्न व्यक्तिमत्व ही ऐश्वर्याची काही लक्षणीय वैशिष्ठ्य ! आपला व्यवस्थापन, संभाषण, जनसंपर्क,  बहुमाध्यम निर्मितीतील प्रदीर्घ अनुभव वापरून तरुण मुला-मुलींना मदत करता यावी यासाठी एक  YouTube चॅनल सुरु करण्याची कल्पना तिच्या मनात आली. त्या दिशेने पूर्ण अभ्यास, नियोजन आणि तयारी करून सुरुवातीला केवळ एक आवड म्हणून तिनं सुरु केलेलं हे यू ट्यूब चॅनल बघता बघता नावारूपास आलं आणि आता ते एक नाविन्यपूर्ण ब्रँड म्हणून नावाजलं जातंय, लोकप्रिय झालंय आणि मोठ्या प्रमाणावर बघितलं जातंय! 

सामान्य लोकांच्या जीवनात आपण उपयोगी ठरावं या साध्या कल्पनेसहित Speak English With Aishwarya (SEWA) ने २०१९ साली मार्केट मध्ये आपलं पहिलं पाऊल टाकलं. आवड आणि व्यवसाय हे दोन्ही सांभाळत असतानाच ऐश्वर्या पाटेकरनं “प्रवास” आणि “लाइफस्टाइल इन्फ्लुएन्सर” ह्या दोन तिला आवडणाऱ्या क्षेत्रांमध्येही काम सुरू ठेवलं आहे. 

ऐश्वर्या पाटेकरच्या या धाडसी जीवन प्रवासात तिला साथ देण्यासाठी तुम्हा सर्वाना हे आग्रहाचं निमंत्रण!